Page 68 - La voluntad de la tierra

68 Garífuna [Guatemala]

ÁRABURUGU

Ma limigife weyu nau ya áraburugu, mao! Ma limigife!
“Mégeitina aban budu, nate”, liña bariñegu finou Abelino
Martínez nun
“Dîsi weyú nau ya lárigie, dîsi weyu nau aluahei nigunfêra
le hísiebei nun
”Ma lifurese léibugu wugürüri, mao! Lühadina ya asáminara
”ka ban lan nadüga lau, lau ísieni le, lau laru lagu numada,
le funabeleti
”ka ban lan nadüga lárigie lóudin árabun ani magirigudugili nun”
“Hol aban irumu nau aránseha lun wamaridun”, liña lariñegun
finou Abelino Martínez nun, “aban irumu aturiahein ligarada ubou
”ligarada üma, lafadaragun üma; aturiahein sun luweyeri
nadü
”sun haweyeri animâlu ha aganowabaña laru wageira
”wageira le biniwâli negé, gama lumoun mama woun ha úwaña”
“Sügühali bandi weyu nau ya áraburugu, nati óunagülei
”dari naganbunei, yagütaguarügü, lumalali wügüri le hísietimabei nun:
” ‘Saminatina buagun, Abelino wey’, liña naganbun, ‘añurahatina
buagun
’agaranihatina nungua lau biyawa, Yalifu, lidan lihulinligun nechun
’Memegie amürü’, liña naganbun, ‘mâma hadibu nigunfêrarügü.
Móunhali
’Ligárada üma woun, móunhali nadü, uwanli fadaguaü larun wageira
’Ladüga, amürü’, liña lariñegun nun, ‘habuyeite ha adiñurabaña,
lísie nanigi
’árabuhadibu le wíwanbei hamidâgau ha wíwangiña hama ha úwanña.’ ”