Page 72 - La voluntad de la tierra

72 Quechua cuzqueño [Perú]

kutichimuy q’osti
ch’usaq phuyuman t’inkisqa
ayqeq almayta

ñawpachimuy yaw mana puñuq
siwiq t’alla, chakinpamuy
ch’ayñakunaq ñanninman
qhatakunaq patanman

maytaña chayaqtiykipas
wayray wayray aklla
tusuq wayra, pusarimuy

chinkaq almayta
aysarimuy chutarimuy
chakinpamanta sichus
mana hamuyta munaqtinqa
kayman
kay chiri khutu
aya hayt’ayman.