Page 27 - Grito hacia Roma

Yatichirinakaxa wawanakaru yatiyapxiwa
mä pampat jutiri suma qhäna;
ukatxa puririkasti mä tantacht’ata jan wali umanaka sarañawa
kawkhantixa wararipxi ch’iyara sinti ñanqha ninfanaka.
Yatichirinakaxa uñachayapxiwa munasiñampi uka jach’a jiq’icht’ata cúpulanaka,
ukatsti uka estatuanaka manqhanakanxa janiwa munasiñaxa utjkiti,
janiwa utjkiti munasiñaxa tukuyat qhisphillu uñnaqap manqhina.
Munasiñaxa uma wañjat jat’irata janchinakakankiwa,
uka jisk’a uthañana kawkitixa sayt’asi jilaririru;
munasiñaxa qaqanakankiwa kawkintixa manq’at awtjata asirunakaxa nuwasi,
uka llakit mar quta kawkhantixa jiwat gaviotanakaxa tuyuraski
ukatxa uka ch’iyar chuqsuta jamp’atina ch’ijmañanak manqhina.
Ukatsti uka q’uma amparani awkisti
saniwa: munasiña, munasiña, munasiña,
waranqa waranqa jiwanchjatanakampiwa waqaychasi;
saniwa: munasiña, munasiña, munasiña,
jilt’at munat unuqkiri mantiyu taypina;
saniwa: ukhamakipana, ukhamakipana, ukhamakipana,
kuchillunak jirurktiri taypina ukxarusti ukch’a ñanqha dinamitanakakana;
saniwa: munasiña, munasiña, munasiña,
niya lakapasa puriñapkama qulqiru.

Ukankañkamasti, ukankañkamasti, ¡way!, ukankañkamasti,
ch’iyaranakawa chhixiyañanaka apsupxi,
khathatkiri waynanaka janq’u sustjata irpirinaka qhiphaxanakapana,
warminakaxa aceite mineralan asxkatayatanaka,
janan k’uphañ jaqixä, violínat jan ukasti qinayata,
wararinïwa lixwinakapasa warkatataskpa pirqaru,
wararinïwa cúpulanaka nayraqatapana,
wararinïwa ninampi lukurasita,
wararinïwa khunumpi lukurasita,
wararinïwa p’iqisa jamampi phuqhantata,
wararinïwa niyasa arumanakaxa mayakikaspa ukhama,
wararinïwa suti chhayphu kunkampi
niya markanakasa khathatipxaspa imillanakjama
ukhamata pakjañataki aceitena ukampinsa khirkhiñanakan jist’antatapa.
Kunatixa muntanwa jiwasana sapüru t’ant’asa,
quqa panqara ukxarusti wiñay munañ t’unjata,
kunatixa muntanwa Uraqina munañapa phuqhasiñapa,
khithitixa churi puqunakapa taqiniru.

25