Page 117 - Grito hacia Roma

Pe kujarubiwi ba kujaruba penaitayotsi liwaisi
jane tsijamatabükuene patatsi pabisia kuene
itsajota najumeba ainawi-yajewi nua peka anae
pe kujarubiwi itaropita ayai jamatabükueneta peyaj̈ anebikuene
jane pejumape kataenü pebüjüpana
ajibi pena asiwa liwaisi penasabijawata pitajuto
Penasiwa liwaisi yajawaruka piawitane liwaisita
tsikiriboj̈ ita itsajota yabubuta ponatsi
Pena asiwa liwaisi ruka itsajota janibo liwaisi ya boka
be manuamene itsa ya eka petüpaewi ya jawa be pe pumusojaijawata itsa bokatsi.

Jane petirto pekobe yaj̈ anewaitsinü jumaitsi tsane:
Nasiwatsi, nasiwatsi, nasiwatsi, penatsoninaewi to baruya tsanetsi
Jumaitsanenua: Nasiwatsi, nasiwatsi, nasiwatsi
pe niweninae panata pekaenü
Jumaitsitsane: apo nabetsi panakakuatsi e tuatuaj̈ uta
pe najumetsi bü anü jawota ata
Jumaitsane: nasiwatsi, Nasiwatsi, nasiwatsi
matapania itsa pe kuibota ka eka penamatamotsi baj̈ u.

itsakarajeta, itsakarajeta... ¡jaa!
Itsakarajeta petsaebia oni topi topi jaiwi
pewüjüawi pitorobiwitsi pekobej̈ ae nekonekojaiwi
petiriawi pe akuitoranüta pebubunajone jone wanü
Pe taubabe bitsauto, violin perakatsi bitsauto
wawajaitsane yajuna matatopi tsapabajarabi atatsi
wawajai tsane daj̈ ita itabarata
Wawajai tsane isotota matajemabiaya
Wawajai tsane pe kainae jawa
Wawajai tsane pabisiakuene petuj̈ utsae bi kuene mata wünükae ata
Wawajaitsane pejume faefaenae kuenia
Tomaranü pe nekonekojai jawabelia be pejewaj̈ i waj̈ i
Pe ya toj̈ ̈ obiabijawabelia wajiji, pejane
Wawajae tsane kae matakabi kanakujitsia
janenaera yajawa Tsipaji pajitsipaj̈ u pataj̈ aejuawo kae
matakabi kana kujitsia pebijia apo pe werewere kae matatonoto
peyaj̈ aewaetsi kuene
tsipaji pajitsipajü ira pejuwanukae jawo daj̈ ita wiria banakale.

115