Page 121 - Grito hacia Roma

Wa makgalhtawakgananín masiinikgó laktsu lakgskgatán
stlan makgskgot tu lakatsukuyachá kkakiwín;
wampi ka putlankaná antani makgpuputajú
lanka tasitsín wakxilhkgó lakgskgatán.
Paxawana masiikgó makgalhtawakgananín xaakgstipusmulut sikwalan,
wampi nitu lapaxkit antaní yakgolh xachatanu kimpuchinikán,
nitu lapaxkit antani nixaxlikana ka xlawalhten tasiyú lakgastapu’.
Wa lapaxkit tatakgsa antani litasipanikanit kgalhputit,
wa lapaxkit tatakgsa antani ya lilakgalhamanat chiki antani tanú chuchut;
wa lapaxkit tatakgsa kputaknún antani tatlankanitajuma xaluwa tatsinksat,
antani wi xatalipuwán takgayawaní’, antani latajumakgolh xanín lokgon
antá kxtampin akxtikit, antani lhtinkiy latsukat katsisní’.
Wampi wanti stlan makgachakganit kgoló’
nawán: lapaxkit, lapaxkit, lapaxkit,
chalhuwa ti aya nikgolh nalimakgapakgxnankgó;
nawán: lapaxkit, lapaxkit, lapaxkit,
antani niakgatsiya likatsan stlan lhakgat lapaxkit
nawán: lakkaxlat, lakkaxlat, lakkaxlat,
antani lhpipikgoy tu lalimasipanikan lichukun chu antani wi limapankgan
nawán: lapaxkit, lapaxkit, lapaxkit,
lata lan nalikilhpiskgó xtachiwín.

Wantu lama alakatanu, wantu lama alakatanu, ¡Ay! wantu lama alakatanu,
wa lakgtsitsakgan latamanín maxtumakgolh xpumakgankán chujut,
wa kamanan ti liaklhpipitayakgó lata pekwanikgó napuxkunán,
wa lakchaján ti limamuxtunikgoka xalimelhwa chuchut,
wa lhuwa latamanín ti maskujukgó litaksan, litlakgni osu puklhni’,
namakgpupukgó maski namaxtunikgokán xakskititkán kpatsaps,
nalimakgpupukgó lantla naliakgwitikgólh lhkuyat,
nalimakgpupukgó lantla naliakgwitikgólh miki’,
nalimakgpupukgó maski lan aktanumakgolh xkawalat,
makxtam nalimakgpupukgó makgatunu katsisní’,
nalimakgpupukgó tu laktlawamikanit xtachiwinkán
lakum laktsu laktsamán nalhpipikgó laktlanka kachikinín
chu namalakanikgó xapulachin xalamelhwa chuchut chu tatlakgni.
Xpalakata klalaskinaw chali chali kinkuxtalanchukán,
klakaskinaw xaxanat kiwi chu xaxlipan tu laktilhmikanít tapaxkín,
xlakata klakaskinaw xkgantuxtulh xtalakapastakni tiyat,
klakaskinaw wantu putam kinkamakamaxkiyán ksakgsini’.

119