Page 134 - Grito hacia Roma
P. 134
132
Roma saba saba dairiyaja
(Chrysler Building kuai yatukamo)
Poema traducido por Manzana akuaja sanuka sibiaeja, dose joko isiko setoronaeja munuka
Amador Medina
a la lengua warao Coral a nasi najamutu sanuka sibía, aray arakate almendra ijiraja konaruya
Tamaja Amador Medina
warao a ribu abanae Ibiji waba, ibute munuka ka emía, tamatuma onane yakeraja minaja dijana, tokoyo
wamuana, ama, akosa arakate abanae tía, jotu a jana eku
Kokotuka asidajawitu ji isía nakate: mojo, warao sabanatuma, tane. Jatabu a rotu a
ribu kokotuka janoko a kuaimo jatajatera abate, wiji ayakera aray jiboya yata, a doko
ekumo jekunu a tere ejobote, jima sanuka a koita awere
Tamatika arukobo, vino, tane muanaja dijana, wabatumasaba bebe sanuka namunaja,
lino a jau emuranaja, bosi kuare onanaja arakate.
Tamatika jima a nonatuwitu jatubuya
Tai isiko nobotomotuma naoyajakotai biakitane.
Daubasa a yaotamowitu jatubuya, waba a namu dioso omi nonayaja.
Waraotuma najomubuya, a jiaka nisaya jatabu aribu wakayaja.
Warao wiji obononajakotai dibuturu, a jiaka omi dibuturu, akosa abaturu taisikejese
nobarakitane lepra isiko, tai a onawitu wakitane, dibukoina, mojosekuju tane ekó
tamiaroi.
Takore nibo a jiaka joko tiajakotai, bebe espiga isía naminanaja,
Tida a noboto ajeraja isía naminanaja, tai naminanaja mate Dioso jo muate tai,
Burata a soso jebutuma dokuya, ama inarao a jotu domu adoko eku abaya.
Inaminatutuma abiji emia daunayatamo;
Takore so a narunokowitu nabakaya
Jebusanukatuma orijasirajayata.
Inaminatutuma idamotuma isía nome yakeraja waraya;
Takore cemento a sitaba joaikaya a obonowitu ekida,
Jima jebura a mu eku obonowitu ekida.
Obonowitujakotai a tomatubuai tía dijana, jobiaji abonona,
Janoko sanuka eku, joida aobonona saneratubuya
Obonowitu joaikawitu ja, juba nojo miayata,
Domu wabaeja nabaida a naba uriabane setoroyaiata
Ama, soso jorojeraneiata arakate, akua joaika.
