Page 135 - Grito hacia Roma

Takore idamo a mojo jebura isiko dibute: ine yatu kokotuka kuana obonoya,
Nobarabuyajakotai tai isia dibute nome sé tanu, tai kokotuka taera obonoya
Tai jiaka tisú eku abonowitu kuataeja;
Dibute: inare tanewitu sorobuae takí
Dabo a jau, melones oboté tane isiko
A doko jokó tamiaroi.

Matekore, ¡akae!, Matekore,
Mekorotuma a sojanoko dijaka abaya,
Nebutuma nome ajabana director mikore,
Tautuma toi ejoya munuka,
Kokotuka sekesekeima, najamutu Tane koitate, a kua asataterone,
Kuana dibute janoko a arai awere
Jekunu sitayaja kuana warate,
Kuana dibute nieve munuka,
Kuana warate a kua so isiko,
Kuana dibute, ima kokotuka abane munuka,
Kuana warane a waroba ajerate
Jonokoina kokotuka inaré tamiaroi, anibakamo munuka
Tamaja abonona, kokotuka dijaka ejobomiaroi, dokotu munuka
Ka najoro are obonoyakuare
Aliso a tokoyo are jakitane
Ka jobaji abononawitu abakunarai
Tai jakotai kokotuka a ami ka moaya.

133