Page 45 - Grito hacia Roma
P. 45
Awihuya jinari gumusinu winuwin
Pinna juna a’muka’ri zorizeyka
Uweki powruse’ri you wamu punna zun gun neri eyma zun chuzunin
Awihuya jinari i’niki chuzari uweyka autari awanay i wasuyin
Uwe’ki uyunke kinkiri a’nugwe duna neki ku’ni
Azey azey u’zinisi unkwawe kuzari guhunti zun a’nugwe kuhuyin
pinna juna you wamu ikumana zun ni.
Ri’guzari aukweykari mari mezanay, jé meyunay mezari
Taku’kwa nunge zun du zanisi zoriza ni.
Uwe’ki achunari eyki duzanika awundi azari
Riguzanukwa, riguzanukwa, riguzanukwa yungwa ni.
Pinnase wininokwa angwa ni, unge eykigwi
Ri’guzanukwa, ri’guzanukwa, ri’guzanukwa yungwa ni
Ey yanari ta yun wina’kusungwa ni u’jwa jinari
Eungeri, a’chunari eyki
Tanu zanamu, tanu zanamu, tanu zanamu yungwa ni
Eyyanari gakunamu ki a’pana away zungeri
Ri’guzanukwa, ri’guzanukwa, ri’guzanukwa yungwa ni
Ey yanari ga’kunamu awtari ká’zaniku’kin, jwi zana pinnazey nari.
Ey awkindi.
Seynachu jinari wa’mu pari zoyana duza’ku’sun win nuga
Gunamu jinari chowchu wikunasi kurigagukuya zun
A’mia jinari chow neki wini zanu you nisizeyka kurigaguna gwi zun
Akouna nabari you gunamu kurigagukuya zun win nari
Duzanu gwi ni izeyka gwi ku’yunin, uyunke sakuku winunkunisi
Yari eyzano, yari ey niwezano unkey sakuku winunkunisi nunge
Eyyanari you ianokuhukin powru you du’manukin.
Ey unge tanuzanamu, rinregusi un remuchu’su nari powruseri a’nugwe kwakumungwa ni.
43
