Page 49 - Grito hacia Roma

Guachak dueba Koukʉlda abazhé akldukʉ-ja zʉnaxke sai-eikazhakadzika:
sewuá sewuá nʉldashá, seldzinga neja aldunak-me nukaja zʉnaxke
sai-eikazhakadzika: sewuá sewuá naldashá.
Ñiubachakue, aluna sewuá-na zʉnaxke sai-eikazhakadzika: sewuá muldzigʉba
naldaki, nogashá.
Sheitsukua jan ã guksékuita-na zʉnaxke sai-eikazhakadzika: sewuá sewuá
ñiubashizha kʉkabalda shisha za (na) negachak sewuá naladzika nashá.

Guatogʉchak, guatogʉchak neguldukue kakadzia kuashikʉ shikaxlduk, guachak,
sukua aji sankʉlda-ja zhe axskuʉ, guachak abunzhixkue kagi-chi nokdzia igüijuldu
sedzinga zhulda ishjuizhaldek akuizhashá amʉga zajulgu juzhizak zabukshacak
jiga ã nujua tezha ã sankʉlda ãksʉn-jan guksé, nuavi, akuizhashá amʉga sankʉlda
ildusaldék ã okanga ishjuizhaldek sesʉn ã mudzigʉba zilzʉlda-ja guka negʉtochak
kuibuldu sukua jinunka gatse-jan sheshena-pʉna ikigʉna aluna madzi-ja guka
abexkʉ, juizhadzía guane axskeitsijí sedzingʉlde zhiktuʉl, guake jinax-ke naldaki,
jaba-chi sʉshi, muldzigʉbak akasguekan, nuk zhulda-chi jishba nadzi guadzikʉ.

47