Page 53 - Grito hacia Roma

Pu kimeltuchefe kimeltukefi pichikeche
alonkülechi ale txipakel mawiza mew;
welu akukey kiñe pozkülechi txawün
chew wirarkey kuruke illkulechi chiñura.
Pu kimeltuchefe züchetukey mallma mew ti fütxake fücholechi orkon,
welu miñche chemamül gelay poyen,
gelay poyen miñche rumel fiurio ge.
Poyen müley ilo mew kutxantulu wuywün mew,
ti pichi ruka mew weychamekelu tañi larnuam;
müley poyen filulechi lholo weychamekelu entxinuam,
weñagkülechi lhafken mew negümkel pu kawkaw ñi foro kalül
ka zuminkülechi txuyu akuchagen mew miñche metxül mew.
Welu ti fütate alwe kuwü niel
poyen, poyen, poyen piay,
waragkake wiyakeche azmatuniel
poyen, poyen, poyen piay,
ragin kochi pañuztukuluwun;
tüqgen, tüqgen, tüqgen piay,
ragin kuchillu chigarüwün mew ka kütxalgen pu melon;
poyen, poyen, poyen piay
puq ragetuam ñi mülferwon.

Müna weza, müna weza, ¡fotxü!, müna weza,
kurukeche nentukey ñi tofkütuwe,
wechekeche txüntxünkülelu miñche ñizol ñi liq llekan mew,
pu zomo ürfin mapufün yiwin mew,
mütxomtuwe pu che, fiolingel kam txomugel,
müley ñi wiraram patxürfule ñi müllo ti katxütuwe mew,
müley ñi wiraram itxotxipa orkon ruka mew,
wiraray weluzuamle kütxal mew,
wiraray weluzuamle napuz mew,
wiraray apole ñi logko me mew,
wiraray kom txapomke punh erke,
wiraray ñi fütxa kagültulen ñi zugu
neyüay waria pichikemalhen erke
ka txafoleyegün malaltulechi yiwin ka üllkatun.
Tayiñ zuamkel iñ fillantü kofke,
Alisorayen ka afnochi ayün teyfügel,
tayiñ zuamkel ñi elupiwken tüfachi Mapu mew,
elukel ñi fün kom pu che mew.

51