Page 57 - Grito hacia Roma

Ri tijonela’ nkik’ut chi kiwäch ri ak’wala’
jun cha’omal saqil petenäq pa taq k’echelaj;
xa ja ri napon chike xa xe’ chik xoq’on kiya’al taq tz’il.
akuchi yesik’in ri q’eqläj taq yab’il.
Ri tijonela’ nkik’ut rik’in loq’kik’u’x ri set kiwi’ ri jay weqon;
xa ja chi kixe’ ri tz’aqwinäq manaq ajowab’äl,
manaq ajowab’äl xtape kan niyuk’lun pa taq kiwäch.
Ri ajowab’äl k’o pa taq sokotajnäq ch’akul ruma ri chaqi’j chi’,
pa taq mo’k nkikoch qeqajob’ richin man yerumuq ta ri ya’;
ri ajowab’äl k’o pa taq kijul ri kumätz aj wayijal,
k’o pa ri timalin palow taq numej ri kamnäq taq palow patx.
chuqa’ ko pa taq ri q’eqaläj tz’ub’ nsokon chi ruxe’ ri ch’akätwi’aj.
Xa ja ri nimalaxel nima winäq, ri q’aläj chik pe rub’ochil chij ruq’a’
xtub’ij: ajowab’äl, ajowab’äl, ajowab’äl,
nkisik’ij kala’ chi winäq chwa kikamik;
xtub’ij: ajowab’äl, ajowab’äl, ajowab’äl,
chi rukojol ri saqb’o’j saqq’anapwaq kem;
xtub’ij: li’ilem, li’ilem, tik’asäs k’aslemal,
pa ki k’arak’ojlem ri selob’al, ri nima taq paxq’aq’, tz’ukulew;
xtub’ij: ajowab’äl, ajowab’äl, ajowab’äl,
k’a taq xtupon pe ri’ saqapwaq ri ruchi’.

K’a ri’, k’a ri’, ¡k’ayew!, k’a ri’,
ri q’eqawinäq ri ye’elesan ri chub’aj,
ri alab’oni’ ri yeb’ayb’ot pa kiq’a’ pa kaqän ri k’amol taq b’ey,
ri ixoqi’ ri xe jiq’ pa jalaloj taq ruq’anxux ri ruwach’ulew,
ri winäq ajanel, ajtz’aq, ri aj q’ojom, aj sutz,
xkesik’in stape’ xtikikraj ri kitzasq’or chuwa tz’aq,
xkesik’in chikiwäch ri nima taq jay,
xkesik’in emoxornäq pa kiq’aq’al,
xkesik’in emoxornäq pa saqtew,
xkesik’in nojnäq kijolom chi kis,
xkesik’in achi’el konojel ri aq’a’ pa junb’ey,
xkesik’in ja’s ch’arach’ik chik pa kiqul
k’a taq ri tinamita’ xkeb’ayb’ot, kepe alaji’ taq xtani’
k’a taq xke’el el pa ri q’anux pata’y, pa q’ojom pata’y,
ruma nqajo’ ri jutaq q’ij qawäy,
rusi’j ri aliso, tz’ilon ri cha’omal q’atz’än ruwach,
ruma nqajo’ chi ti b’an ri rurayb’al ri qate’ Ruwach’ulew
chi yojrutzuq qonojel.

55