Page 62 - Grito hacia Roma
P. 62
60
Awat tu tojil Roma
(Tak tu ka’anal najil Chrysler Building)
Poema traducido por Manzana’ob chen p’el xeek’lil
Feliciano Sánchez Chan
al maya peninsular (maayat´aan) pumeen sakleme’en xtáats’ máaskab,
múuyal jatk’esa’an tumen jump’éel chulúulil k’ab,
Le ik’ilt’aana’ su’ut ich
Maayat’aan tumeen ku bisik tu paach u k’ab jump’éel u nooy ku tóoch’
Feliciano Sánchez Chan
taankasil kayo’ob bey k’áanxooke’,
k’áanxooko’ob bey junch’áaj u ja’il ich utia’al u ch’óopkunsa’al ya’abach máake’
loolo’ob ku loobilkunaj
yéetel púuts’o’ob t’at’alkuunsa’an tu bejilo’ob k’i’ik’,
yóok’ol kaabo’ob ku núup’tambal yéetel yaabilaj búukta’an tumeen xnook’ol
bíin lúubuk ta wóok’ol. Bíin lúubuk yóok’ol u noj p’óok naj
t’u’umtik tsaats tu yaak’ k’abtuuno’ob,
tu’ux juntúul máak ku wixkubáa yóok’ol juntúul saast’inkab xkukut
yéetel ku túubik muxbil chúuk
bak’pachta’an tumeen u piktunil xchaklool.
Tumeen ts’o’ok u p’áatal mina’an máax t’oxik waaj mix uk’ul
mixmáak utia’al pak’ik xíiwo’ob tu chi’ kimen,
mixmáax xit’ik u nook’il je’elel,
mixmáax utia’al ok’ol tu yóok’lal u xeek’lil xúuchub tsíimin.
Chen ba’ax yaane’ u piktunil aj pat máaskabo’ob
joyik suumil máaskab utia’al le paalal bíin taalako’obo’.
Chen ba’ax yaane’ u piktunil aj meyaj che’ob
beetik u xmáabenil muknal xma’ k’atabil.
Chen ba’ax yaane’ u yayaj óolal kaaj
ku je’ek u nook’o’ob likil u páa’tiko’ob u yóol ts’oon.
Le máax máay ichtik kukuto’ najmal lo’obal u t’aan,
najmal lo’obal u yawat chaknuul ichil okomtuuno’ob
yéetel u jup’ikubáa utia’al u k’oja’antal ti’ xjáaway
utia’al ka’a seten yayaj ok’olnak
tak u yibik u ts’ipitk’ab yéetel u k’ablistook’il julubt’aan.
Ba’ale’ wíinik sak u búuk’e’
ma’ u yojel mixba’al tu yóok’lal u máaktsilil i’iji’,
ma’ u yojel mixba’al tu yóok’lal u yáakam x-aalansaji’
ma’ u yojel wáa Cristoe’ láayli’ úuchak u ts’áak ja’e’
ma’ u yojel wáa máaskab taak’ine’ ku chuuj ti’ tusub ts’u’uts’
yéetel ku ts’áak u k’i’ik’el jtaman tu ko’oko’ koj k’áambul.
