Page 67 - Grito hacia Roma

Yo xopute ri jizhi a yo ch’i’i
daja juensibi k’ú enje kja tr’eje;
mbe nuko sájá ngeje na punkjú ponreje
nuja ri matr’ú yo s’onrixú k’ú udú.
Yo xopjúte ri janrra me na zo’o yo nrungumú kja nitsimi,
mbe a mbo’o yo tr’angunmú dya pesi siya,
dya mimi ne siya nuja ri janrra ne jñeje k’ú na zo’o.
Ne siya ri mimi kja nze’e k’ú xuk’ú ne türe,
kja ne ts’ingumú k’ú dya jiezi ra nichi mbejomú;
Ne siya ri mimi kja tore nuja ri chjúnji yo k’ijmi ne t’ijmi,
kja ne zakjú k’ú juejme ma chjujnú yo sú’ú k’ú nrunji
ñe kja ne sochjúne k’ú neme a mbo’o yo nusjñi.
Kja ne ts’ita k’ú toxú in dye’e
ra majmú: siya, siya, siya,
ñe ra árá na punkjú nte’e k’ú sodye;
ra majmú: siya, siya, siya,
kja na zob’itú k’ú paja;
ra majmú: jonte, jonte, jonte,
ma ñumú yo tr’ezi ñe yo nrojo k’ú pájná;
ra majmú: siya, siya, siya,
so ma ra toxú in nee.

Nzakja nudya, nzakja nudya; ¡ah! nzakja nudya,
yo mbepji k’ú ts’ints’i yo kañab’ú,
yo xorúji k’ú sunji ma janrra yo arkjate,
yo nrixú k’ú xaja k’ó peenreje,
yo jmurúji nte’e kja étr’ezi, kja bizhi maxi kja ngomú,
ra matrú so ma ra é’é in jñi’i kja nrengumú,
ra matrú a jñi’i kja nits’imi,
ra matrú ma ra záráji,
la matrú ma ra ngá’áji,
ra matrú ma in jñi’i ri pesi pojo,
ra matrú a kjanu textrjo yo xomúji,
ra matrú ma dya so’o ra jñaji
so ma ra tr’ajñiñi ra mbi’i nzakja yo ts’ixutr’i
ñe ri xukjú nuk’o penchi ne peenreje ñeje ne b’izhi.
A kjanu ri negojmé ne tr’omechi textrjo yo pa’a,
ngeje na nzhájná kja za’a k’ú dyotr’ú ñe ts’ike ts’ike ri nru’u,
ngekjua ri negojme ra kja’a nuk’o majmú ne Xoñijomú,
k’ú ’uiñi a texetroji.

65