Page 66 - Grito hacia Roma

64
Matrú a Roma

(O dyopjú kja tr’angumú Chrysler Building)

Poema traducido por Yo ixi k’ú ts’ike o sa’a
Francisco Antonio
León Cuervo yo ts’isûû k’ú juensi,
a la lengua mazahua (jñatrjo)
yo ngomú k’ú o xút’ú na dye’e k’ú kja’a yo ubi nreje
O dyopjú kja k’ú pesi a xutrú na nrojo k’ú zárá,
jña’a Jñatrjo ne
Francisco Antonio León Cuervo yo jmo’o ne s’odyeche nzakja yo jmosajmo’o,
yo jmosajmo’o nzakja yo ngizho k’ú kuichi yo nte’e,
yo roxaxi k’ú okú
ñe yo ts’isûû k’ú minji kja nzeñe,
yo nte’e k’ú chjunji ñe yo siyaji k’ú ko’bú yo ubi
ra núgú kja in jñi’i. Ra núgú kja nrengúmú
k’ú út’ú peenreje yo jñaa yo xundaro,
nuja na b’ezo ri pilu kja na zo’ombaro
ñe ri mbibi ne ts’ike chejme
k’ú pesi na punkjú tr’ebizhi.

Nudya dya minji na nte’e k’ú ra dakú ne tromechi ñe onreje,
k’ú ra tujmú t’eb’i kja nee nu nru’u,
k’ú ra xokú yo ximi kja soya,
ñe k’ú ra ’ue’e ma sechi yo tr’apjantre.
Ngextrjo ra minji na punkjú mbetr’ezi
k’ú kjaji tújmú mba yo ch’i’i k’ú ra minji.
Ngextrjo ri minji na punkjú mbeza’a
K’ú kjaji yo juarú k’ú dya pesi ngronsi.
Ngextrjo ri minji na punkjú nte’e k’ú sechi
k’ú ri xukúji in kezhe ma cheb’e yo bala.
Ne b’ezo k’ú dya ne’e na mbaro ra jña’a,
ra mapjú ma ngerga kja ngoxtr’i ne nrazapjú,
ñe ra si’i na ñeche k’ú ra dakú lepra
ñe ra ’ue’e na punkjú
k’ú ra xukú in xinchi ñidye ñe yo zonú k’ú juens’i.
Ne b’ezo k’ú kezhe toxú
dya pärú pje majmú ne nzii,
dya árá ma juejme ne nrixú k’ú ra musú ch’ii,
dya pärú k’ú Mizhokjimi so’o ra dakú nreje nudya,
dya pärú k’ú ne tr’opjú ri chjútrú ne chjúne na zo’o
ñe ri dakú ne kji’i ne nrenchi a ne t’os’úú.