Page 70 - Grito hacia Roma
P. 70
68
Kjandaya xitjien Roma
(Nda ña tikon ndyik’on Chrysler Building)
Poema traducido por Mazana xi oon tangat’eni
Juan Gregorio Regino
a la lengua mazateca (énná) kicha ndojó tjibé tón tiba,
Xi kats’enkatiya kui nijmii ndi xi ngo ndsa ixkí kitiyá
énná Juan Gregorio Regino kó ya’aá ngaxt’on tjiaa ngo tó amendra ndi’í,
ti ndijo yojó xi xikoó ngo tiboron,
tiboron xi xikoó ndandyik’oón nga ts’en
jñoo ngo naxinandaá
kojó naxo roxa xi botiéná
kojó nda’yá xi ndya’jín nguijin naxáná,
nangui kondra kojó kjoa tsjá xi kjijon chindo
kó kokañeta’ínji. Nguijin ngatsjaa xi botie isiti najin xota joon kokañéná,
kia ñanga soba ngo xota ngujin ngo tónña tiba
kó botitiajon xkoaá kixon
xi tjindochja’yaa mí ndi kicha nangoxi xixi.
Ngot’e jmijin xi si’ínkabi pan kojó xán,
jmijin xi koítjie xka ngaya ts’oa xi je mik’ien,
mijin xi skjix’a jño xira xi tjindotjó,
jmijin xi skjandatje ñánga óón chokiñaa.
Ta ngotsi miyon chjinie kicha tjin
xi si’índa ixkí tsi’e ja kjindi xi s’e kjamaxcha.
Ta ngotsi miyon chjinie yá tjin
xi ts’enda koxa xi jmíjiin kró.
Ta ngotsi xtín kjoandasen
xi kjix’a njñoó nga ndyikoyaa chi’ísa.
Xota xi ch’oo tónña chjenga kuichja,
nga skjandayá nguijiin yá see,
kó kui’é ngo ndo tsi’enga stsobaa chi’ín lepra
s’e skjanda ndya ndya
tsi’enga kamangajiin stingroo kojó telefonoo ‘naan.
Tangá xota xi yajá njño tibaa
béjen ni xi ya’áni kjoa ndoba isieen ngo ntin,
béjen kjoa ni’ín xi fo’á ngo chjinie xi ts’en ki’é ndi,
béjen kóts’en Néná Kristo tokó tsjana ndojua,
béjen kóts’en ngo ton ‘biti ngo ndsó xi nda
kó tsjaa jíín chotsanga toko ts’oá tsabee nisié sie.
