Page 74 - Grito hacia Roma
P. 74
72
Wyintsapäpy jam ja Roma
(Jap mëj të´jk nipat Chrysler Building)
Poema traducido por Manzana tutäjky tsatsyë
Juventino Gutiérrez Gómez
a la lengua mixe (ayuujk) tu´niyitip ja eypyë tsujxtë miti tsamämtip,
Yät kajpx matsiäjky ja keej pu’jts ja yoojts yik nawyäkxiyip
Juventino Gutiérrez Gómez miti jap pyatsimpy jixkikpy tujk ja teemt jëën
yi yiknaxpy jap ayuujk
tibut´të nijäm´të säm ja mëj äjkx,
mëj äjkx säm ja tsún y´ayoowtë jits tsijk wën´ojktë ja may jääytsië,
tsäjpts pijytsië miti yik tsatsyitip
jits ja aj´pky jap yik päjts emyjëtspy,
ejt näwxwinyit´të namyitsë´piyitip yë jits ja nayjääkyukiyi të tsinëkënyë
mejts mpëky´äjtp. Kunäxtipyë jap tsaptëjk kupäjk
miti tsä´jäxtip mët ja on ja anampiti jay äw ayuujk,
mä tujk ja yätsiëjk nitäjtsë ja päjk tsamämpë
jits t´ixtsu´y ja ju´uy miti ti yik y´anáx´muknë
yikxon yiktamujkyë jits namay wyinänyi´të.
Ja´ku ka nipën´në pën kyëyäjkp ja tsapkajky jits ja kunujkx nyëj,
kap ujk pën´në pën ja ujts nyëp´p mä ja äw ayuujk pyitsimy,
kap ujk pën´në pën tsijk awäjtsp ja yuunk pookxtäjk,
kap ujk pën´në pën yääxjp mä ja elefante të tsyatsyë.
Ja täntijp jayë pën ja pujx tsiunk´äjt´tip
jits tsijk ëyiti ja mëjk tunjk miti ja unäk myitäntip.
Ja täntijp jayë pën ja kijpy tsiunk´äjt´tip
pën yik´ëyitip ja cajuun miti cruz kyamët.
Ja´yi y´ujk täni´të ja jääy ayoon
pën y´awextip ja jëën päjk ku ja wyet tsijk nawiakiti.
Ja yäätsiëjk miti kia kupijkyp ja päk käjpxp ja jexi,
tsapäjp ja jexi niwäjts jap xe´ny patkijpy,
jits jexi ti nyakyupyiyi jits piätiyip ja mëjk pä´m
jits nuko wenkim tsyapä´jp
miti yijk tikëëpy ja kyëjeets jits ja takäpxpäjt miti tsamämp.
Ja yätsiëjk miti pop na xoo´xiyip
ka´t mëjpiktäjky ja pe´y kijpy miti kya´ixip,
ka´t mëjpiktäjky ja yikax´pë miti ëjë´p,
ka´t mëjpiktäjky ku ja Cristo tjak këyäjk ja nëj,
ka´t mëjpiktäjky ku ja me´ny tsijk tëy ja tsujkx miti säyë tsujätp
jits ja jiyu´k nijpy tmot´të ja mats joonapuxj.
