Page 99 - Grito hacia Roma

Ya xahnäte ri xahni ya bätsi
n´a zi ñot´i tsa ma hotho ge ri ehe ha ra mbonthi;
ge ´a ge ri tsoho ge n´a muts´i ya nxä oki
habu ri mafi ya ntso b´ehña ge ri ndude ra cólera.
Ya xahnäte n´a mäkantsedi ri u´di ya hets´i ngu made zi nänä ri funi,
ha ngati ya do otho ra hmädi,
otho ra hmädi ha ngati ya xito ge gatho ya da.
Ra hmädi ri bui ha ya ngok´ei ge ri tuni ra nduthe,
ha ra hyoya ngu ge hinge ne da tagi ha made n´a däye;
ra hmädi bui ha ya otsi habu ri ntuhni ya k´eña ge ra thuhu,
ha ra dumui dämathe ge ri äni ya du ngok´ei ya zi ts´ints´u dehe
ne ra zi tsedimbo´i u ntsutsi ha ngati ya nthuhñä.
Ndebu ra xita ge ya nxini y´e
da ena: hmädi, hmädi, hmädi,
ha made ya mafi ndunthi ya m´o ya nedu;
da ena: hmädi, hmädi, hmädi,
ha mbo ra mädi dutu ri mbidi ha ra ntudi tsa;
da ena: paha, paha, paha,
ha made ra huätsi ya tse huei ne ya nthot´i;
da ena: hmädi, hmädi, hmädi,
ta ge ra zi xine ri yot´i ngu ra hmi zi nänä.

Denda, denda, ¡ay!, denda nubye,
ya mbo´ijä´i ge ri häi ya potsot´i,
ya baxjä´i ge ri bitho nu ya mboho ge ya ts´utui,
ya zi b´ehña ge mi jät´i ha ya xiti ra ñot´i,
ra munts´i ge ra nambaboja, ge ra mida ge ra gui,
ge da mafi hange bri foke ya boy´o ha ya jädo,
ge da mafi ha n´andi ya mahets´i ngu made zi nänä,
ge da mafi ha ra tsibi b´emfeni,
ge da mafi ha ra tsët´i b´emfeni,
da ne da mafi ha ra ñä ri ñutsi ra foho,
da ne da mafi ngu ri mafi mahyegi ya zi xui,
da ne da mafi ha ra tuni ñä
ta ge ya hnini da mbidi ngu ya t´uka nxutsi
epu da uak´i ya fadi ge ra xiti ñot´i ne ya pëmda.
Ngetho dri ne ya thuhme ge ma metihe tat´a ya pa,
doni ge bui ha ya pahyadi zantho ntudi mi täki,
hange dri ne gathohe ge zi Ximhai da r´oho,
ngetho ge rakagihe gatho ya nda.

97