Page 98 - Grito hacia Roma
P. 98
96
Hmati njani Roma
(Njani yabu ha mañä ra Chrysler Building)
Poema traducido por N´a ntu´i ntheni ha ya ixi
Margarita León
a la lengua otomí ge ya gini ya mexe,
del Valle del Mezquital (hñähñu)
ri tuni ya gui ge n´a ra za y´e
Nuna r’oho noya ha ge ri ndude ra xutha n´a nda ge ri huixki,
ra hñäki hñähñu
bi hoki zi Margarita León ya ntso mbon´i dehe ngu ya tiburo,
ya tiburo ngu ya gida ge ri xada ya jä´i,
fänt´i doni ge ri ntheni
ne ya y´ofri ge ri b´upu ha ya ñ´unthe ra ji,
ya ximhai hinge ya y´oui ne ya hmädi ge ri nsani ya zu´e
da kom´i ri ngok´ei. Bri tagi ha ra hets´i ngu made zi nänä
ge ri kots´i ra acete ya duzgu jäne,
habu n´a ra mboho ri pit´i ha n´a ra y´ota domintsu
ne ri tsogi ra kuni thehñä
ri b´ahni b´apu ya m´o ya zi t´egi.
Ngetho mi njo´o to´o ri heki ra thuhme ne ra vinu,
nehe njo´o to´o da pot´i ya ndäpo ha ra ne ra zi anima,
nehe njo´o to´o da xoki ra linu ra ntsaya,
nehe njo´o to´o bri zoni ya ntheni ya dänga mbon´i.
Otho ma r´a ge ya mefi ge hoki ya fadi
habu da bui ya bätsi da mui.
Hinte otho xa ge´a ya mefi
ge hoki ya duza ge otho ya pont´i.
Sehe ri ha n´a munts´i jä´i ge zoni
ge ri xoki ya dutu ge ri tom´i ya ngani boja.
Ra mboho ge ri utsa ra domintsu da ne da ñä,
da ne ge da mafi k´axfani ha made ya njädo,
ne da huts´i n´a ntso ñ´ethi ge da hñeni ra xik´ei
ne da nzoni ndunthi ge ra zoni
ri pigi ya boja ge ra fadi de da teni ya mfoy´e ne ya nt´oxgu ge
ya mädi do.
Ra mboho ge he ra t´axa dutu
hinge pädi ra majuäni zi ngähä,
hinge pädi ra hmati ra zi y´odi,
hinge pädi ge zi Jesu ri za da rapi ra dehe nubye,
hinge pädi ge ra boja ri tsät´i ra ntsutsi ra makä hoga ´ñehe
nehe ri rapi ra ji ra zi huekate ha ra dondo ne
ra zi tsi´nts´u ge ngu ra menja.
