Page 18 - La voluntad de la tierra

18 Náhuatl de la Huasteca veracruzana [México]

TLIXIKTLI IACHKA

Tlixiktli iachka
no teteyouaj, mosentiltokej
tlajtoli kisenkajkej
iuan tenana kimaktilijkej
ikon kinnextiliskia ikoneuaj:
tlitl kiijtojkej konemej,
chantli kiijtokej siauamej.
Sintli kiijtoj tlakatl.
Tlajtoli kitekiuij tlamatketl
ikon maseualmej kinkamauis.
Kiauitl kikuikaltij xochikuikani,
nojia xochimej iuan siuatl,
iuan kenke timikij motlajtlanij.
Tenana memeyalotl notlajtol,
¡Tlajtoli, axkanaj tijnekis!
Titsajtsijtij nokamako tipankisas,
tlaj kuikatl ueli mochiua no tlajtol
kej totomej in kuikayo.
Tlen nonana nechmachtij tlajtoli,
tlen noueyi nana eltoyaj tlajtolmej,
tlajtolmej tlen noueyitata kiijtoj Moktesuma
iuan Nesaualkoyotl, namaj na notlajtol.