Page 20 - La voluntad de la tierra
P. 20
20 Jñatrjo / Mazahua [México]
NU JOMÚ
Ro chjotrúgo ne yaxú nu naja
kja ñonjomú k’ú chjunú nu nrajma
ro penchigo nu jomú kja in dye’e
ñe o teb’e nu jiarú k’ú o pa’a
ro tsjago a kjanu nu ngumú
k’o yo ñijomú k’ú mi me’e.
Ro jiáságo nu jomú
mi zezhi o me’e
o ngeje xichjomú k’ú o kjobú nu dyeb’e
o ngeje nredye nuja ri pa’a nu jñonú
o ngeje jmomú texeji
ga kjanu texetrjo ri chjejuigojme
ma kjuarú, o ngeje s’ábá
a kjanu dya so’o ra mimi ma dya b’úb’ú nreje.
In kjuago o xokjú nu jomú
nuja o mbes’e yo ts’itrjö
ma kjogú yo pa’a
yo ngua’a o tsjaji nu ñiji.
Ro xokjúgo in dye’e mba so’o nu jomú
ñe nu jomú o penchi in yú’ú.
