Page 42 - La voluntad de la tierra

42 Hñähñu / Otomí del Valle del Mezquital [México]

YA PA OTHO YA XUDI (N’A XENI)

Di bui mbo ra xi n’a ra za
ma stä ge nu ya xi
tat’a n’a ge ya beni ge da pant’i
da yot’i
epu da tagi ha ra otho
da k’oi ne hinda k’oi ha ra ndähi
ra ji ne ra zöi’a
nu’a ge mädi ma ngök’ei
nu ra thuhu ma zi nänä
nu ra noya
nu ra hmi
ra fat’i nu ra nthede.

Dra miñ’o ge boni ha ra pothe
ko ra dänmafi
miñ’o ge zoni pa da rihi ra punts’i nu ya tumu
ge ngu ra zu’ue epu ra tumu ha ra tuka tuka zeki
[ra pa.
Dra hmunts’iyapa.
Nu’i gra miñ’o ge su ra mbonthi
miñ’o makäsurabonthi
Ri nge ge ra za
Ri ngek’ei ge ra mathe
ge ra madehe
ge ra dämathe
gi p’ot’se epu gi köi ko ra mäte ra zänä
ri ndäte ge ra äni ra dämathe pe ra ya pa ska bui ngu ra
[dëtha
Bi bui ngu ra dönthä ge bi hoki ya bätsi ko ra böhai