Page 52 - La voluntad de la tierra

52 Énná /Mazateco [México]

Je tjibixkjantje isién nixtjina,
Je tjiña’áxchat’e ndoba isien.
Kia je tsa’bos’ien één chjinie.
Kia je tsa’bos’ien tsja xi mí isieen ya’á.
Kia je tsa’bos’ien nijmi xi k’oxie’ána.

Nijon ochan yoba nga kjín.
Nijon ochan legua k’ajmí,
ndi’í, jñó, isien.
Kiatjien fochó ndaha chjinie,
chjinie xi sié nga tsakihi.
Nguijín isien k’a.
Nguijín isien nguindié.
Nday’a anda anda éhen,
só tsjatsoó,
ndi nijmí ndasen.
Kuíxi fuatjón ndiyahá ngasondié,
ndanga fochó ndobua isien.
Kia chjanijmí,
kia fotí,
kia tsa’boxie’á
nguijín Nena xi nchibotixomá ngasondiéhe.
Tjo ch’ahan ‘bitjiyá,
cho’on kjifehe ts’akonda,
bikjín nda’yaní ndaha,
njuijín inimaha ngasondiehe.

Boats’en tjien nixtjien
boats’en tjien isiehen.
Yito yoba ndojó
yito legua nga kjin.