Page 50 - La voluntad de la tierra
P. 50
50 Énná /Mazateco [México]
NDIBAA ÉÉN
Jí xi yéji kó kji’íí ndiyaa ngasondiee,
jí xi tasín tjéni ngot’e.
Chjox’eni k’ajmii, takína ngasondiee
Kó chjobenguini tsi’e nga skue’an kjoa chjinie.
Ta’éni kjoa nga k’uí’an ndi to xi tjoo.
Takoyéna kóotsó én xi chja kojó ‘bixkiyaa Néná.
Ngatangoyají’an nga’ñoo nijmií,
ngot’e nga s’it’a ja’ína ndoba isien.
Je ts’afoatjiyajona ngasondiehe,
je ts’akjix’ana ngotjuaha,
t’i yejé’an ‘yani xi chja,
xi mojnó, xi kjanda.
Ts’abe yeje’an kó kjiíni ngasondiehe
kuíxi ts’afoatjiyajona,
xi ts’abokona, xi ts’enchjajóna.
Ngot’e bé’an éhen ngasondiehe.
Ts’akondáná isién nixtjin xindájin,
Ngatjandiboa nijmii’ne ngot’e.
Nguitijin k’ajmijan én xi skjix’a.
Ngatas’ien kjoachikon xi tjijmatjoon fo’andee.
Nguití sien ndi’í tibaa.
Ngatanga jín xi jé kamasán.
