Page 86 - La voluntad de la tierra

86 Ore’/ Zoque del norte alto de Chiapas [México]

MUMURE’ NHTÄ’ YÄJKTAMPÄ

Ntä’ ngomi uka yijtupäre
tejurä’ mij’ jamtzäjkpatzi.
Nancy Morejón

Ni’is ji’ myusaya’e nyiäyiram
teserike kyonuksku’tyam aku’ajkyajpabä’jinh te’ anhtunh’tam
tzajpis’nyi’e teserike yatzipä’räjk’kisnyi’e
Wijtyi’ajpapä’koroya yäjktampä’ pänh’tamte’
jomemi’tyajupäma Barcelona’kupkuy’omo
jana’ yosyi’kuyjinh’tampä
ji’ myusyi’a’e’päis tzyi’apya’ä kastiya’ore
yäjktampä pänhtam’ makyapapä tunh’omo
ma’a’ wyjtyi’ajpapä
pänh’tam yisanh’sajyaj’papä’is yose’ teserike nyi’atzku’tyam
eyapäis wynanh’omoram
Te’is nyiä’ ijtyaju nhkyomi
äjtzi ijtkeruri äj’ nhkomi
tese’ yajk’ maya’yajpatzi tyi’oya’istam
myajk’kyaräjpa’ankä te mossos d’esquadras’tam
jujtzyi’e myta’ yanhku’kamä’yaräi
yajk’ tumya’räi numyajpapä’jinh teserike yajka’oye’jinh’tam
Wenenh’omo makatzi mujapä tunh’omo
makatzi Barceloneta makatzi Ramblas
tese’ a’myajpatzi mumu’ te’ yäjtampä pänhtam
tyi’okyajpapäis popo’pä tyi’uku’ najs’käjsi
makajse wyruya’e mäja’ meya’omo
makajse nu’kya’e syi’utya’räjpamä
te’ kupkuy’ jima’ yispäjkya’epä, nhkysa’yaräjpamä’