Page 143 - Grito hacia Roma

Ca gubeedxe’ rusiidi ca xcuidi
ti biaani’ sicarú riale lade gui’xhi’;
xisi ni redanda la? nisa yuudxu’ liibisaa
ra cugua’ ridxi ca badudxaapa’ nacahui cayó di laa.

Ca gubeedxe’ rului’ ná’ racala’dxi’ ca’ ca xiga yu’du’ gué’ gu’xhu’,
xisi xa’na’ ca lúbia’ gaxti’ guendaranaxhii,
2
gaxti’ guendaranaxhii xa’na’ guielú guiehuana’ biluxe.
Guendaranaxhii nuu lade beela yaa ni rusiati nisa,
ndaani’ yoo ziña huiini’ rucaa lú ora guilahua;
guendaranaxhi nuu ndaani’ ca bizé ra rucaa lú ca beenda’ jmá rindaana,
ndaani’ xilase nisadó’ runiibi ca dxita gue’tu’ guugu’ nisadó’
ne ndaani’ bixidu’ nacahuidó’ ruzundi’ xa’na’ ca bicuugu’.
3
Xisi binnigola rihuini biaani’ ná’
zaní’: guendaranaxhii, guendaranaxhii, guendaranaxhii,
rucabi binni birí lú yati;
4
zaní: guendaranaxhii, guendaranaxhii, guendaranaxhii,
lade lari riá birí guenda naguudxi;
zaní’: nexhedxi, nexhedxi, nexhedxi,
lade ca gudxiú cayaca diti ne ca guitu xtiá cacaguí;
zaní’: guendaranaxhii, guendaranahii, guendaranaxhii,
de ra ga’ca’ guidiruaa guiiba’ yati.
Laga ca, laga ca, ¡ay!, laga ca,
ca yaase’ ribee ca’ ra ruchá xhinni ca’,
ca badunguiú ca ni racaditi xa’na’ dxiibi nayati xti ca xa ique,
ca gunaa rati xhie’ ndaani’ guiiiba’ yati,
binni birí naca bigaache, yagalé huiini’ pacaa za,
zucá ridxi neca gugaze cabe yuba ique cue’ yoo,
zucá ridxi nezalú ca ique yu’du’,
zucá ridxi ique ridxé ra guicá gui,
zucá ridxi ique ridxé guienanda,
zucá ridxi dxaa guí’ ique,
zucá ridxi sica guirá’ gueela’ liibisa,
zucá ridxi ne xtidxi ma gureza
de ra guirá’ guidxi gaca’ diti sica ca badudxaapa’ huiini’
ne guicheza ca’ lidxi guiiba’ xti’ za ne saa’.
Ti racaladxinu gueta xtiá xtinu guirá dxi,
guie’ alisu dxigueela’ piipidó’ bixuuba’,
Ti racaladxinu gaca’ ni ná Guidxilayú,
ti laa rudii xcuanadó’ guirá’ xixenu.

141