Page 147 - Grito hacia Roma

Anhmayoye’istam yisanhtziyajpa’ uneram
tumä’ sasyi’apyä sänhkä tzama’omo mitapä;
tese nukpapä tiyä’ wäjpapä tumkutyi’e
juwä’ wej’yajpa te’ yäjktampä iri’ram kiskuyisnyi’e.
Anhmayoye’istam yisanh’sajyajpa te’ mäjarampä kupula joko’jokorampä;
tese’ tekämäram ijtyi’aju tza’rampä kene’ jurä’ jairä’ sutkuy,
jairä’ sutkuy te’ limetaserampä’ wiränhk’kämä.
Te suykuy ijtu’ ne’ kyiänhtäj’tzyi’ajupä sis’omoram,
Ijtu’ te’ yajksyi’uräjk’omoram juwä’ täjkäpya nä’;
Te’ sutkuy ijtu nimeke kijpyaj’pamä te’ pu’u ojse’is,
Te’ mayapapä’ meya’omo juwä’ komo’myajpa te’ nä’ jonhtzyi’ram
teserike ijtu’ te’ yäjkpä’ su’kuyomo käwänupä tänhkäsyi’kämä.
Tese’ te’ atzyipä popo’päis ‘nkyä’
maka’ nämi: sutku’y, suyku’y, sutku’y,
sone ne’ kya’yajupäis maka ‘nhkyärak’saya’e;
maka’ nämi: sutku’y, sutku’y, sutku’y,
wäpä tuku’omo maka’ yanhkasäyi’ te’ sutku’y;
maka nämi: jana’ kijpku’y, jana’ kijpku’y, jana’ kijpku’y,
nimeke ijtumä’ kutzyi’luram teserike te’ pä’kyajpapä tzäkiram;
maka nämi: sutku’y, sutku’y, sutku’y,
tzä’yajpa’anhkas popo’ te yanhsis’tam.

Tesenh’omo, tesenh’omo ¡ah! Tesenh’omo
te’ yäjktampä päntam nyi’äpujtyi’ajpais juwä’ tä’ tzu’jä’,
te’ soka’ram säräyajpapä’ natze’is anhkim’yajpapäis wyinanh’omo,
te’ yomo’ram suksyi’ajpapä känhkuy’tzäki’ omoram,
te’ pänhtam, yomo’ram ne’ kyi’ora’ayajupä, ne’ wya’tyi’ajupä, ne’ jyäyajupä,
maka’ wej’ya’e ankena ‘myajtz’takpä’jayarä’ä ‘nkyopajktam tza’käjsi,
maka’ wej’ya’e kupula’winanh’omoram,
maka’ wej’ya’e juktäjkis ‘pyiämijinh,
maka’ wej’ya’e mamkäis ‘pyämijinh,
maka’ wej’ya’e ti’näyupä’ nkyopajk’kinh,
maka’ wej’ya’e pämi’ tumupä’ tzu’se,
maka’ wej’ya’e nerim ‘nji’awayupä nhkyiänä’jinhtam
särä’yajpasenh’omo kya’ejse te’ mäja’ kupkutyi’am
teserike tyi’ajyaj’pasenh’omo te’ anhkamoki’uy.
Ntä’ sunhtampa’ankä’ te’ tumtum’jamarampä ane’,
tzu’jäya’ teserike sutkuy ji’ ntyi’a’epä, mujspapä’ nhtä’ we’na,
tese’ mumu nhtä’ sunhtampa wäkä ntyi’ukä’ Nasakopajkis myasanh’äki’uy
yajk’ ijtpapäis tyiäp’tam mumu’koroyaram.

145