Page 85 - Grito hacia Roma

Temachtiyanij kinimachtiyaj konemej
se yejyektsij tlauili tlen kuatitlan ualaj;
san kena tlen onassi se atlaxochtli kuitlatl
kanpa tsajtsij tlen kostik kokoli yayauikej aichpokamej.
Ika neltokili uejueyi pokyoj tetsonpaj temachtiyanij kimanextiyaj,
San kena axonkaj yolnekili tekuakuili itsajla,
Axonkaj yolnekili tlen tlantok teskatl ixtiyoli itsintlaj.
Ipanpa amikistli yolnekili eltok ipan tsatsayakatok nakatl,
Ipan siltsij chantli tlen iuaya atemitl moteuiya;
Ipan tlakoyoktli kanpa moteuiya koamayantli yolnekili eltok,
tlen kinuisoua atotomej miktokej ikuesoltipaj ueyatl
ipaniko neltsintlayoua techajkoua tenamiktli itsintla tsontetomitl.
San kena tlen tsalantik imaj ueuentsij
kiijtos: yolnekili, yolnekili, yolnekili,
ipanpa seltikayotl uiuipikatias matlaltikpaj;
kiijtos: tlaseseuilistli, tlaseseuilistli, tlaseseuilistli,
tlatekiloni uiuipikayotl itsajla iuan tlatopontli meloj;
kiijtos: yolnekili, yolnekili, yolnekili,
ontlamis itenxipal istakteokuitlatl motlalis.

On tlantok, on tlantok, ¡ay!, on tlantok,
yayauikej tlen chajchaloni kikixtiyaj,
uiuipikaj konemej ipanpa tlayekananij istaltik majmajtli,
siuamej ipan teposchiajkayotl misauijtokej,
tlen tepostlateuiloni tlasentili, tlen kuakekele noso mixtli,
tsajtsis ijkatsaj ipan tepamitl itsontekuich kitsejtselosej,
Iixtenoj tlen kalpani tsajtsis,
tlikuekuechti tsajtsis,
asetl kuekuechti tsajtsis,
ika kuitlatl tsontekotemitok tsajtsis,
kej nochi youali sentika tsajtsis,
ika ueyi tsayantok tostli tsajtsis
ma uiuipikakaj kej siuapilmej altepemej
tlen chiajkayotl iuan tlatsotsontli kaltsajkayotl makitsayanakaj.
Ipanpa tlen tojuantij mojmostlaj pantsij tijnekij,
aliso xochitl iuan papayakatok tlaseselistli nochipaka,
ipanpa tijnekij tlen tlali inekilis mamochiua
tlen tinochimej itlajka tech maktilia.

83