Page 88 - Grito hacia Roma
P. 88
86
Roman traseik
(Chysler yaukutri Roman Traseik kɵn)
Poema traducido por Nɵmuy kɵtrinchip tsantsɵn merá tɵka, mamikyelan pará petik kɵn, kan taskape,
Marleny Deli Yalanda Cuchillo
a la lengua namtrik nak ken wepatrum, wañimeranpa ñau pará kɵtrintielɵ kucha kɵn, pí yaumerape,
nɵtrɵ pisusrɵm putrapelɵ lateiklɵ kɵn, nɵtrɵ pisuyu putrapelɵpe, trewei nɵtrɵ kap
Ik namtrikmai pørikpe:
Marleny Deli Yalanda Cuchillo pí tɵkár kuinkɵn, mayelanpa chi ashchamamɵ sɵtɵ katámikpa, trúnetɵ, namuy
asru aní srɵl meráyupe, mayan chillikwan meinkutrintɵ puchá pɵntrampatɵ sɵtɵ
kepuchip kɵtrɵmisrá pɵntran. Chi kɵpikwan, kan pek, pek maitɵ aship, tsalɵ inchip,
¡kape¡ untarap chip, maik kɵpentɵ marielɵ kuinkutrintɵ, mutɵ kucha, chí chilliktɵ
mentik kuik tap asik mik, kushimeratɵ netsɵ itɵ pulɵp, mentá nuinmpalátɵwei itɵ
kɵtrɵntrun. Mayá nɵtrɵ nepua marampurap, marinkucha; mayá nɵtrik kuin kucha,
purɵ nɵtrelɵ ker map isua, mayelan utsɵ pasrɵska tapik map, muchip chip, pulɵ
illimeran itɵ tsuchip, tuchip kuintɵ kucha, mutɵkucha, chintashchap mukucha misak
aship tulsrua kɵn. Kakentɵ, muken piwanpa pitriwanpa latá-latá pirishintrapik
ka kɵn. Muken kuapikwei, trikupa mɵ tusr ell wantrapik kawei, muken piishintɵ
kɵmwei asik, tap kura pasrtrapik kawei, muken katɵkaneleinpurap isua kishchapik
kawei. Kɵppe, trupa marer chipelɵ kɵpentɵ, wentɵ urek amtrupelei asimpe, lusrá
tɵka kɵmwei asik marɵpelɵ kuin kɵn. Trupa kɵppe, mu kɵpen kuapen waya
sɵramikpe, tsik sɵtɵ waik ken chikaik tamarɵpelɵ kɵpa kuin kɵn. Mutɵ kucha,
wentɵsrɵmpe… purɵ pesriktɵ puntrap kuik merɵp kɵn.
Trek kutrintɵ mupé, nui shau kewa kuik wan ken kurá pasrá, chitɵ nepuntrermap
munik kɵn. Pulɵ illiwan tsalɵ inchip mɵkpe waminchipash, kakentɵ piishintɵ
kɵmikwan tsalík kua tren tan. Nui kewa kuik ken kɵlsrampatɵ trashipash. Incha,
purɵ kaik pesrɵ kuantrɵ tɵwei kuik ashipelɵ kɵpentɵ, nui asrupe kal tɵka pucha
pɵnsrá kesrup amɵnan. Inchape, nɵmuy tɵr ke kurnap kɵntrei tasik ureku pɵnsra
kuik ken pɵcha kɵtrampatɵ, trumpik kisan. Inchen tru puliktɵ kewa mɵkpe… namui
pirau ell weik mamik misrɵpelanma ashmi kɵn; patsɵ tɵka misrtrap pusrkueikwan
ashmuwei kɵn. Ik nupiraupe chikɵpiktɵ kucha, nɵsik, mɵsik, musik tɵkartɵ kuik
ashmik kɵn. Nampe purɵ mur kualinkucha, anpe chi lateik tɵwei yan, trupap
intan, chikɵpen purɵ miektɵ, purɵ pɵnsrɵp inchip kuinkucha pekeleintɵwei kualik
kɵtrɵmisran.
