Page 28 - La voluntad de la tierra

28 Tz’utujil [Guatemala]

NURQAJ K’A CHWEE NAQ RB’ANIIK JA RAACHOOQ
JA WA’TI’T

Ni k’a k’o wi ruukotz’iij ja wa’ti’t pa rachooch
K’in ja rachooch qas k’a ch’ach’oj
Ja toq ruuyoon nk’eje’ kaan
Ntajiin k’a nunuk’ ja rna’ooj pa ruukeem
K’in nuchololooj k’a
Ja ruub’ii’ nojel jayu’ taq’aaj
K’u chi paan jawa’ jayu’ rb’ina’aan Iximuleew
K’u k’a pa rna’ooj nojelaal
Xarwari’ ma rb’imb’en ta k’a

K’o k’a nuub’aan b’iix nub’aan jar toq nqawiil
Neerb’ixaaj k’a ja naq nee’q’iloon rixiin
Jar e nimaq taq winaqii’ ee je’ee neyo’ rna’ooj rchoq’aaq
Ja rtzob’aal xa k’a kani’ jun juxuuj paraar j ama ti k’isi
Ma ti tzijoon k’a triij jun tinamiit ojtajnaq
Ja k’a rtinamiit arjaa’ jari’ k’a
Jawa’ raamaaj paraaj ri’

Jar arjaa’ nkowin k’a ntzijon ruk’iin ab’aaj
Chaqajaa’ ruuk’in tz’alaam, k’in rxaq taj q’aaq’
Xukooj ja rna’ooj jar aq’oom
Nwawaj rii’ cha nk’amb’ajaaj naq rnoon ja iik’
Cha qa k’a jutiij xrojtaqiij ja rwawaan.
Chi ja’ ja q’iijq’
Chi ja’ ja xkomeel nxupupi
Nkowiin k’a nuukooj jun tzojb’al ja nrojtaq b’eej naq tre ja naquun
Ja nuuch’oob’ xa kani’ jun cholon q’iij ma ti k’isi
Nuya’ k’a retaal ja nimaq taq q’iij
Ja k’a ntzijooj nkowin k’a nuub’iil rb’eyaal nojeel taq k’aslemaal.