Page 34 - La voluntad de la tierra
P. 34
34 Maayat’aan / Maya peninsular [México]
YÁAX PAAL
In wíicham
Ts’o’ok u síijil
K yáax chan xibil paal
Tu séeblakil
Taas u nojochil,
u jach ki’ichkelemil
Ti’ tuláakal u nalil a kool
Wéesk’upt tu yóok’ol,
u muumun táab u tuuch
Yéetel u k’uupil xya’axjalalche’.
Ta’akumlíik’es nal,
Tu k’iinil paak’ale’
Ka woxo’omtik,
Yéetel u yixi’imale’
Yaan a pak’ik jump’éel chan kool
Tu táankabil k otoch
Yaan a ts’áak u k’aaba’te’
“U k’i’ik’el in chan paalil”
Leti’ bíin u ya’alto’on
Bix kun bin u kuxtal k paalil
Wáa tumeen jach ku yantal u jéek
Wa tumeen jach mina’an u jéek.
